BALIUAG UNIVERSITY : #127 sa Top Universities sa Pilipinas

BALIUAG UNIVERSITY 

#127 sa Top Universities sa Pilipinas

     Pagdating sa edukasyon, talaga namang hindi magpapahuli ang mga Baliwagenyo. Ngayong 2017, ay nakakuha tayo ng puwesto bilang ika-127 sa buong Pilipinas. Ito ay ayon sa www.4ciu.org (UniRank University Ranking) na ibinase sa limang "web metrics" at ito ay ang mga sumusunod:

1. Moz Domain Authority
2. Alexa Global Rank
3. SimilarWeb Global Rank
4. Majestic Referring Domains
5. Majestic Trust Flow

Tunay ngang maipagmamalaki ng buong bayan ng Baliwag. Pati namang ang Bulacan State University sa bayan ng Malolos, Bulacan ay maipagmamalaki dahil naka-kuha ito ng ika-91 puwesto, sa buong Pilipinas ito ha! Isa ito sa patunay na kayang makipagsabayan ng mga Bulakenyo. 

Ikaw, maghahanap ka pa ba ng ibang unibersidad? Tangkilikin at ipagmalaki ang sariling atin. Taas noo, Baliwagenyo!

Source: http://www.4icu.org/ph/#

Mister Tinapay

Mister Tinapay

Masasarap na Cakes at Tinapay, 

Presyong pang-masa!

Hindi nawawala sa selebrasyong Pinoy ang mga handaan lalo na kapag may birthday, anniversary o kahit monthsary pa 'yan. Hindi rin nawawala sa eksena ang mga cakes hindi ba? Paano naman kung kapos sa budget? Makakapag celebrate pa ba? 

Tayong mga Pinoy ay magaling sa mga diskarte, kung saan mura, doon tayo. Kaya naman naghanap ako ng masarap na cakes at tinapay na swak sa budget. Sa bayan ng Baliwag ay nakita ko ang Mister Tinapay. Pagpasok ko pa lamang ay hindi ako magkamayaw sa pagtingin at hindi malaman kung ano ang aking pipiliin. Sa dami ng kanilang mga tinapay, siguradong lahat ay gusto kong tikman. Ngunit ang nakapukaw sa aking atensyon ay ang kanilang mga cakes. Mayroon silang mga cake rolls, dedication cakes, egg pie at ang Crema De Fruta na talagang namang nakaka takam sa unang tingin ko pa lang. 

Sa halagang 135 pesos lamang ay hindi ako nag atubili na bumili at ganoon din naman ang kanilang espesyal na Yema Biscocho na halagang 30 pesos lang! (sabi ko sa aking sarili na bagay ito kasama ng pag-inom ng mainit na kape.) Masaya kong inuwi at tinikman agad. Narito ang aking rating.

Crema De Fruta

     Amoy pa lang ay maaakit ka nang kainin, ang cake nila ay hindi nakakahirin, moist at tama lamang ang tamis. Hindi rin malasa ang ginamit na pampaalsa kaya naman walang lasang mapait, hindi magalas sa ngipin (senyales na hindi matapang ang pampaalsang ginamit) at higit sa lahat, hindi ka mauumay. Ang filling ay lasang yema ngunit hindi masyadong matamis. May clear gelatin at fruits sa ibabaw. Sa halagang 135 lang ay hindi ka na talo sa sarap at sulit ang iyong binili. May mga kakilala at kaibigan narin ako na nakapag sabi sa akin na masarap at pinilahan ito lalo na noong Pasko at Bagong Taon. 

Rating: ⭐⭐⭐⭐⭐

Yema Biscocho

     Hindi ordinaryong Biscocho ang natikman ko, sa mga natikman ko na dati (ordinaryong mantikilya at asukal), masasabi ko na sobrang espesyal nga ang Yema Biscocho ng Mister Tinapay. Tama lamang ang tigas ng Biscocho, nuot ang ibinalot na pampalasa sa loob nito, kaya hindi lamang sa labas ng tinapay nito malalasahan ang sarap. Sabi nga sa Ingles, "Melts in your mouth" at ganoon nga talaga ang bagay na deskripsyon sa natikman ko nang Yema Biscocho. Bagay nga sa mainit na kape o tsokolate. Mapa- almusal, merienda, midnight snack, ayos na ayos ito!
                                                                Rating: ⭐⭐⭐⭐⭐

Narito rin ang ilan sa mga tinapay na gawa nila:

Murang cakes ang nabanggit ko kanina hindi ba? Narito ang ilan nilang cakes:

Ang Mister Tinapay ay nagbukas noong March 2015 sa Poblacion, Baliwag at ngayon ay may branch sa barangay Tiaong, Baliwag. Sariling recipe nila ang lahat ng kanilang mga tinapay at cakes. Nakilala ko ang mga may ari na sina Mr. & Mrs. Ian at Theriz Chan. Tubong Baliwag, kaya naman ang kanilang mga produkto ay talaga namang Tatak Baliwagenyo.

Cakes na pang-masa hindi ba? Maghahanap ka pa ba ng cake na swak sa budget? Heto na 'yon mga Bes! Ang kanilang tindahan ay matatagpuan sa Barerra Street, Poblacion, Baliwag, Bulacan. (Katabi ng Manson Drug). May branch rin sila sa Brgy. Tiaong, Baliwag.

I-Like na ang kanilang Facebook page: https://www.facebook.com/pg/MisterTinapay/

BITOY's Chili Garlic

BITOY's Chili Garlic

Anghang na Nagbibigay Gana sa Pagkain

     Mahilig ba kayo sa mga maaanghang na pagkain? Sa tuwing kakain ba kayo ay naghahanap kayo ng sawsawan na maanghang? Oo, Sili nga ang tinutukoy ko, ano pa nga ba? Dito sa ating Bayan ay may nadiskubre na naman akong bagong kahihiligan ninyo. Ang Bitoy's Chili Garlic!

     Dito sa ating Bayan ng Baliwag ay nakilala ko ang gumagawa ng masarap na Chili Garlic. Si Sir Victor Buenaventura na mas nakilala sa kanyang paggawa ng Bitoy's Chili Garlic. Espesyal ang kanyang Chili Garlic dahil talagang inaral niya ang paggawa nito. Malalaking mga siling labuyo at bawang ang kanyang ginagamit at matagal niluluto (literal na inaabot ng ilang oras) para tumagal bago ma-expire ang kanyang produkto. 

     Nagpunta ako mismo sa kanilang tahanan, kung saan, dito rin niya ginawa ang Bitoy's Chili Garlic at nakita ko kung gaano ka-tagal ihanda ang mga sili at bawang bago ito lutuin ng mahigit dalawang oras. Ayon kay Sir Bitoy, matagal bago niya na-perfect ang kanyang Chili Garlic. Paulit-ulit na pag-subok hanggang sa nakuha niya ang tamang timpla at luto nito. Kaya naman pala masarap unang tikim ko palang, nasubukan ko na isawsaw ang aming ulam. (Porkchop (Fried, inihaw, sizzling), sa Siomai, at kahit ano pang maisip mo, kahit saan bagay na bagay talaga ito!) May tamang anghang na tiyak na gaganahan kang kumain!

--- Kung sabagay nga naman, maging sa buhay natin ay kailangan paulit ulit nating gawin ang bagay bago natin ito makuha ng tama. Kailangan talaga ng tiyaga kung gusto mong magtagumpay. 

Si Sir Victor Buenaventura ng Bitoy's Chili Garlic

Pero teka, sawsawan nga lang ba talaga ang sili? Nag-research ako at napag-alaman ko na ang sili pala ay nakaka gamot ng iba't ibang sakit. Paano? 

Ayon kay Doc Willie Ong, ito ang iba't ibang benepisyo ng sili sa katawan ng tao:

1. Para sa may diabetes – Ayon sa pag-aaral sa hayop, posibleng mapigilan ng sili ang pagkakaroon ng diabetes. Nakita din na nagpapababa ng blood sugar ang sili.

2. Pampapayat – Ang sili ay nagpapabilis ng ating metabolism at nagpapainit din ng katawan. Dahil dito, mas madali tayong makakatanggal ng calories (burning calories) para pumayat.

3. May tulong cholesterol at sakit sa puso – Ayon sa pag-aaral, maaaring mapigilan ng sili ang pagbabara sa ugat ng puso. Nagpapababa din ang lebel ng bad cholesterol sa ating katawan.

4. Nagpapaluwag ng baradong ilong dulot ng sinusitis at sipon.

5. Pang-alis ng sakit sa katawan – Ang sangkap na capsaicin ay puwedeng makaalis ng sakit sa katawan. Ang sili ay ginagawang pampahid sa masakit na joints at arthritis.

6. Marami pang pinag-aaralang benepisyo ang sili. Nalaman din na posibleng makapigil sa kanser tulad ng prostate cancer.

*Para sa may almoranas, konti lang ang kainin na sili. Puwede din piliin ang siling hindi gaanong maanghang. Wala pang malinaw na rekomendasyon kung gaano karaming sili ang kakainin.

O, alam nyo na ha! Hindi lang masarap na sawsawan, may health benefits din ang pagkain ng sili bukod pa sa dagdag na benepisyo ng Bawang sa katawan ng tao. 

Ang masarap na Bitoy's Chili Garlic ay mabibili sa Baliwag Pasalubong Center (Farmer's Trading Center - DRT Highway, Baliwag, Bulacan). Maaari ring magtext o tumawag sa 0943-019-4268

Facebook page: https://www.facebook.com/BitoysChiliGarlic/

G. Artemio F. Baylosis, Pinarangalan!

G. Artemio F. Baylosis, 

Pinarangalan!

Lunes (Enero 9, 2017), pinarangalan ang isa na namang natatanging Baliwagenyo dahil sa kanyang puso at husay sa paglilingkod bilang Pangkalahatang Tagapamahala ng Baliwag Water District. 

Pinangunahan ni Mayor Ferdie V Estrella, kasama sina Konsehal Dingdong Nicolas at Konsehala Pechay Dela Cruz ang Gawad Pagkilala kay Ginoong Artemio F. Baylosis ng CSC Pagasa Award para sa taong 2016 mula sa Civil Service Commission. 

Kaya naman sumasaludo ang buong bayan ng Baliwag, Bulacan sa kanyang dedikasyon at malasakit bilang isang tunay na lingkod bayan. Ikinararangal po kayo ng buong Bayan ng Baliwag. Saludo po kami sa inyo Sir!